Kiswahili English

Siku ya 3: Amani

Kwa Jina la Baba, na la Mwana, na la Roho Mtakatifu.

Amina.

Amani

Tuiname kwa unyenyekevu mbele ya nguvu na ukuu wa Roho Mtakatifu. Tuabudu Utatu Mtakatifu na leo tumtukuze Mfariji, Mtetezi wetu.

Ee Roho Mtakatifu, kwa uwezo wako Kristo alifufuliwa kutoka wafu ili kutuokoa sisi sote. Kwa neema yako, miujiza hutendeka kwa jina la Yesu. Kwa upendo wako, tunalindwa na uovu. Kwa hiyo, tunaomba kwa unyenyekevu na kwa moyo wa mwombaji maskini zawadi yako ya Amani ndani yetu.

Watakatifu walijaribiwa, kushambuliwa na kushitakiwa na shetani, mvunjaji wa amani. Tunaposhitakiwa na shetani, utusaidie kama Mtetezi wetu na utujalie Amani inayodumu katika majaribu yote!

Roho Mtakatifu, tunakuomba neema ya [Taja nia yako hapa].

Amina.

Uje Roho Mtakatifu, ujaze mioyo ya waamini wako na uwashe ndani yao moto wa upendo wako. Utume Roho wako, nao wataumbwa. Nawe utaufanya upya uso wa dunia.

Ee Mungu, uliyezifundisha nyoyo za waamini kwa mwanga wa Roho Mtakatifu, utujalie kwa Roho huyo huyo tuwe wenye hekima ya kweli na tufurahie daima faraja zake, kwa njia ya Kristo Bwana wetu,

Amina.

Kwa Jina la Baba, na la Mwana, na la Roho Mtakatifu.

Amina.